ABŞ Prezidenti Donald Trampın İranla müharibə üçün ictimai dəstək axtardığı bir vaxtda müharibə və uşaq baxçaları ilə bağlı səhvi tənqidlərə səbəb oldu. Tramp federal hökumətin prioritetinin hərbi xərclər olması lazım olduğunu iddia edərək dedi: “Biz müharibələrlə məşğuluq. Uşaq baxçaları ilə məşğul ola bilmərik”.
Elchi.az xəbər verir ki, ABŞ Prezidenti Donald Trampın İranla müharibə üçün ictimai dəstək axtardığı bir vaxtda qapalı qapılar arxasında etdiyi bu sözlər siyasi dairələri qızışdırdı.
Ağ Evin YouTube kanalında qısaca yayımlanan Pasxa şam yeməyi zamanı verdiyi çıxışda Tramp federal hökumətin prioritetinin hərbi xərclər olması lazım olduğunu iddia edərək sosial rifah proqramlarını ştatlara buraxmaq niyyətini ortaya qoydu.
Büdcə İdarəetmə Ofisinin direktoru Rassel Vought ilə görüşünü xatırladan Tramp dedi:
“Mən Rassellə dedim ki, ‘Uşaq baxçası üçün pul göndərməyin.’ Çünki ABŞ uşaq baxımı ilə məşğul ola bilməz; bu, ştatın işidir. Hazırda müharibələrlə məşğuluq; döyüşərkən uşaq baxımı ilə məşğul ola bilmərik.”
Tramp çıxışına federal hökumətin yalnız bir əsas vəzifəsi olduğunu vurğulayaraq davam etdi: “hərbi müdafiə”. O, Medicaid və Medicare kimi tibbi sığorta proqramlarını, eləcə də uşaq baxımı dəstəyini “kiçik fırıldaqçılıq” kimi xarakterizə edərək, ştatların bu xidmətləri maliyyələşdirmək üçün öz vergilərini artırmalı olduqlarını iddia etdi.
Şayəstə
