İraqdakı silahlı şiə qruplarının çətir təşkilatı olan İraq İslam Müqaviməti (İİM) ABŞ-a məxsus KC-135 yanacaq doldurma təyyarəsinin vurulmasının məsuliyyətini öz üzərinə götürdü.
Elchi.az xəbər verir ki, ABŞ hərbi KC-135 yanacaq doldurma təyyarəsinin İraqda qəzaya uğraması elan edildikdən sonra İraqdakı silahlı şiə qruplarının çətir təşkilatı olan İİM təəccüblü bir iddia irəli sürdü.
Telegram vasitəsilə yayımlanan bir mesajda İİM hücuma görə məsuliyyəti öz üzərinə götürdü və üzvlərinin təyyarəni hava hücumundan müdafiə sistemləri ilə hədəf alaraq qəzaya uğratdığını iddia etdi.
ABŞ təyyarəsinin qəzaya uğradığını açıqlamışdı.
ABŞ Mərkəzi Komandanlığı (CENTCOM) ABŞ hərbi KC-135 yanacaq doldurma təyyarəsinin İraqda qəzaya uğradığını açıqladı. Bəyanatda qəzanın “Epik Qəzəb” əməliyyatı zamanı dost hava məkanında baş verdiyi və xilasetmə işlərinin davam etdiyi bildirilirdi. Qəzada iki təyyarənin iştirak etdiyi bildirilib və əlavə edilib: “Təyyarələrdən biri İraqın qərbində qəzaya uğrayıb, digəri isə təhlükəsiz yerə eniş edib. Bu qəzaya düşmən atəşi və ya dost atəşi səbəb olmayıb. Daha ətraflı məlumat ictimaiyyətə açıqlandıqca veriləcək”.
Şayəstə
