Koreya Xalq Demokratik Respublikası (KXDR) Müdafiə Nazirliyinin Hərbi Xarici Əlaqələr Departamentinin rəhbərinin sözlərinə görə, ABŞ yeni silah və hərbi texnika təchizatına baxmayaraq, Ukraynada məğlub olacaq.
Elchi.az bu barədə Vesti.ru-ya istinadən xəbər verir.
Müdafiə Nazirliyinin nümayəndəsi bildirib ki, Amerikanın uzaqmənzilli raketlərin tədarükü vəziyyəti Ukraynanın xeyrinə dəyişməyəcək. O, ABŞ-ın hərəkətlərini münaqişənin gərginləşməsinə təhrik və vəziyyəti Kiyevin xeyrinə çevirmək cəhdi ilə edilən tələskən seçim adlandırıb.
KXDR nümayəndəsi vurğulayıb ki, dünya Vaşinqtonun Ukrayna müharibəsində məğlubiyyətini görəcək və bu, zaman məsələsidir. O, əlavə edib ki, heç bir ultra müasir silah, ABŞ-ın heç bir hərbi yardımı Rusiya ordusunu məğlub etməyəcək.
Qeyd edək ki, bu bəyanat Amerikanın ATACMS raketlərinin Ukraynaya məxfi tədarükü ilə bağlı yayılan məlumatlarla bağlı verilib. KXDR Müdafiə Nazirliyinin nümayəndəsi bu tədarüklərdən narahatlığını bildirib və bunu beynəlxalq ictimaiyyət üçün həyəcanverici hadisə adlandırıb.
Yeganə
Son şərhlər