Türkiyə Hollandiyanın baş naziri Mark Ruttenin NATO-nun yeni baş katibi vəzifəsinə namizədliyini dəstəkləyəcəyini təşkilatın digər üzvlərinə çatdırıb.
Elchi.az xəbər verir ki, Hollandiyanın Baş naziri Mark Rutte keçən həftə İstanbulda prezident Rəcəb Tayyib Ərdoğanla görüşərək NATO Baş Katibliyinə dəstək istəməsindən sonra Türkiyə bu gün Rutteyə dəstək verəcəyini NATO üzvlərinə çatdırıb.
Prezident Ərdoğan aprelin 26-da Türkiyəyə səfər edən Hollandiyanın Baş naziri Rutte ilə Vahdettin Köşkündə təkbətək görüşüb.
Mark Rutte birgə mətbuat konfransında bildirib ki, NATO-nun cənub qanadının Türkiyə və Türkiyə rəhbərliyinə ehtiyacı var.
Hollandiyanın Baş naziri Rutte, “Türkiyə həlledici rol oynayır. Bunu edərkən Qəzzədəki vəziyyəti həll etmək üçün səy göstərir. Eyni zamanda Ukraynadakı bu dəhşətli müharibə ilə bağlı səylər göstərir. Bu baxımdan siz mühüm rol oynayır”. ifadəsini işlədib.
O, daha əvvəl ABŞ, Böyük Britaniya, Fransa və Almaniyanın Yens Stoltenberqin varisi olaraq Rutteni dəstəkləyəcəyini açıqlamışdı.
Şayəstə Hüseynova