Birləşmiş Millətlər Təşkilatının (BMT) baş katibi Antonio Quterreş bildirib ki, BMT Təhlükəsizlik Şurasındakı hazırkı parçalanma tarixin ən pis hadisəsidir.
Elchi.az bu barədə RİA.ru-ya istinadən xəbər verir.
Baş katibin sözlərinə görə, BMT Təhlükəsizlik Şurası geosiyasi fikir ayrılıqları səbəbindən çıxılmaz vəziyyətə düşüb.
“Şurada parçalanmanın baş verməsi ilk dəfə deyil. Ancaq bu dəfə ən pisdir. Cari fasilə daha dərin və daha təhlükəlidir”, – deyə Quterreş bildirib.
O, Soyuq Müharibə dövründə mövcud mexanizmlərin fövqəlgüc münasibətlərini idarə etməyə kömək etdiyini bildirib. Baş katib hesab edir ki, müasir çoxqütblü dünyada belə mexanizmlər yoxdur. Onun sözlərinə görə, dünya xaos dövrünə qədəm qoyub.
“Nəticələri görürük. Onilliklər boyu davam edən nüvə tərksilahından sonra dövlətlər öz nüvə arsenallarını daha sürətli, daha məxfi və daha dəqiq etmək üçün yarışırlar”, – deyə Quterreş bildirib.
Yeganə
Son şərhlər