Rusiya prezidenti Vladimir Putin Qazaxıstana rəsmi səfərə gəlib , o, Astanaya uçub , orada Qazaxıstan lideri Kasım-Jomart Tokayevlə görüşəcək.
Elchi.az bu barədə “RİA Novosti”yə istinadən xəbər verir.
Kremlin rəsmi nümayəndəsi Dmitri Peskovun qeyd etdiyi kimi , dövlət başçıları münasibətlərin bütün spektrini, o cümlədən investisiya və müxtəlif sahələrdə qarşılıqlı fəaliyyət məsələlərini müzakirə etməyi planlaşdırırlar.
Prezidentlər həmçinin regional və beynəlxalq problemləri müzakirə edəcək, Avrasiya məkanında inteqrasiya birlikləri haqqında danışacaqlar. Putin və Tokayev məhdud tərkibdə danışıqlar aparacaq, bundan sonra ətraflı Rusiya-Qazaxıstan danışıqları aparılacaq.
Liderlər bir sıra sənədlər imzalayacaq və jurnalistlərə birgə bəyanatla çıxış edəcəklər. Onlar Kostanayda keçiriləcək Rusiya və Qazaxıstanın XIX Regionlararası Əməkdaşlıq Forumunun iclasında videobağlantı vasitəsilə iştirak edəcəklər . Mövzu “Kənd təsərrüfatı güclü iqtisadiyyatın təməlidir” olaraq təyin olunub.
Nuranə Məmmədova
Son şərhlər