Belarus prezidenti Aleksandr Lukaşenko Yaxın Şərqdə vəziyyətin pisləşməsi fonunda Belarusun İrana dəstək verməli olduğunu deyib.
Elchi.az xəbər verir ki, bu barədə “BELTA” məlumat yayıb.
Lukaşenko bu barədə İranın birinci vitse-prezidenti Məhəmməd Möhbərlə görüşündə bildirib.
Lukaşenko vurğulayıb ki, ABŞ başda olmaqla Qərb ölkələri “Yaxın Şərqdəki münaqişənin nizə ucunu daim İrana yönəldir”.
“Bunu daha yaxşı hiss edirsən. Cavabımız birdir: biz bir-birimizlə daha sıx işləməli, bu hücumlara müqavimət göstərmək üçün birgə əməkdaşlıq etməliyik”, – Belarus rəhbəri bildirib.
Lukaşenko Belarus və İrana edilən təzyiqləri görünməmiş adlandırıb. O qeyd edib ki, Tehran artıq bu təzyiqlərə müqavimət göstərməyi öyrənib, ona görə də İran təcrübəsi Minsk üçün çox vacibdir.
“Məni daim təəccübləndirən odur ki, bu müddət ərzində bu irimiqyaslı tədbirlər zamanı İran öz inkişaf səviyyəsini heç azaltmadı, əksinə, əhəmiyyətli dərəcədə artırdı”, – Lukaşenko vurğulayıb.
2022-ci ildə İran və Belarus arasında ticarət dövriyyəsi yüz milyard dollara çatıb və 2021-ci ilin səviyyəsini üç dəfə artırıb. 2023-cü ilin yanvar-avqust aylarında ticarət dövriyyəsi 62,5 milyon təşkil edib ki, bu da 2022-ci ilin eyni dövrü ilə müqayisədə 26 faiz çoxdur.
Belarus İrana kalium gübrələri, taxta-şalban, sellüloza, sintetik liflər, İrandan isə ölkəyə tərəvəz, meyvə və qoz-fındıq, peyvəndlər idxal olunur.
Nuranə Məmmədova
Son şərhlər