Ukrayna prezidenti Vladimir Zelenski mayın 13-də Roma Papası Fransisk ilə görüşüb.
Şənbə günü, mayın 13-də dövlət başçısı Vladimir Zelenski Papa Fransisklə təkbətək auditoriya üçün Vatikana gəlib. Onu Apostol sarayında qarşılayıblar.
Elchi.az xəbər verir ki, bu barədə “France 24 “və “Vatican News” məlumat verib.
Hazırda məlumdur ki, liderlərin görüşü təxminən 40 dəqiqə davam edib və Ukraynada müharibədən sonrakı humanitar və siyasi vəziyyətə həsr olunub.
Zelenski ərzaq təhlükəsizliyi, məhbusların və deportasiya edilmiş şəxslərin azad edilməsi və ədalətin bərpası ilə bağlı Ukrayna sülh düsturunun bəndlərini açıqlayıb . O, həmçinin Vatikanı qanunsuz olaraq Rusiyaya aparılan ukraynalı uşaqları geri qaytarmaq üçün Ukraynanın səylərinə qoşulmağa çağırıb.
“Müharibə Ukrayna ərazisində getdiyinə görə, sülh planı yalnız Ukrayna ola bilər”, – prezident vurğulayıb.
Roma Papası Fransisk Zelenskini daim dua edəcəyinə əmin edib. Onlar əhaliyə humanitar yardımın göstərilməsinin davam etdirilməsi tələbi ilə razılaşdılar və Papa xüsusilə münaqişənin ən həssas, günahsız qurbanlarına qarşı “insani jestlərin” zəruriliyini vurğuladı.
Ənənəyə uyğun olaraq liderlər bir-birlərinə hədiyyələr veriblər. Roma Papası Fransisk prezident Zelenskiyə sülh rəmzi olan zeytun budağını təmsil edən bürünc heykəl təqdim edib. O, həmçinin Dünya Sülhü və Birlikdə Yaşamaq naminə İnsan Qardaşlığına dair 2019-cu il sənədini və “Ukraynada sülh haqqında ensiklik” adlı cildi təqdim edib.
Ukrayna prezidenti öz növbəsində Roma Papasına gülləkeçirməz lövhədən hazırlanmış sənət əsəri və münaqişə zamanı uşaqların öldürülməsindən bəhs edən “İtki” tablosunu gətirib.
Qeyd edək ki, bu görüş Ukrayna liderinin diplomatik səfəri çərçivəsində demək olar ki, 15 aylıq genişmiqyaslı müharibədən sonra ilk dəfə baş tutub.
Zelenski artıq bu səhər İtaliya prezidenti Sercio Mattarella və baş nazir Corciya Maloni ilə görüşüb.
Xatırladaq ki, bir müddət əvvəl pontifik Vatikanın Ukraynadakı müharibəni dayandırmaq üçün nəzərdə tutulmuş gizli missiyada iştirak etdiyi barədə maraqlı açıqlama vermişdi.
“İndi bir missiya var, lakin o, hələ ictimaiyyətə açıqlanmayıb. O, əlçatan olanda mən bu barədə məlumat verəcəyəm”, – deyə Papa bildirib.
Nuranə Məmmədova
Son şərhlər