İsrailin milli təhlükəsizlik naziri İtamar Ben-Qvirin dünən Əl-Əqsa məscidinə basqın etməsindən sonra Birləşmiş Ərəb Əmirlikləri və Çin Birləşmiş Millətlər Təşkilatının Təhlükəsizlik Şurasının təcili iclasını tələb ediblər.
Elchi.az İordaniyanın rəsmi xəbər agentliyi PETRA-ya istinadən bildirir ki, Birləşmiş Ərəb Əmirlikləri (BƏƏ) və Çin ölkənin Əl-Əqsa məscidinə basqını müzakirə etmək üçün cümə axşamı Birləşmiş Millətlər Təşkilatının Təhlükəsizlik Şurasının (BMT TŞ) təcili iclasını tələb edib.
Xəbərdə Yaponiyanın “Təhlükəsizlik Şurasının çərşənbə gününə planlaşdırılan iclası olmadığı” ilə bağlı açıqlama verdiyi və İsraillə bağlı iclasın cümə axşamı keçirilməsinin gözlənildiyi bildirilib.
Digər tərəfdən, BMT TŞ-nin yanvarın 18-də Fələstinlə bağlı aylıq iclasını keçirəcəyi və qeyri-qanuni yəhudi məskunlaşmaları, işğalı, məskunlaşanların zorakılığı və Qüdsü müzakirə edəcəyi gözlənilir.
Şayəstə
Son şərhlər