Rusiya Xarici İşlər Nazirliyi Avropa İttifaqının (Aİ) Rusiyaya qarşı qəbul etdiyi yeni sanksiyalara görə ölkəyə girişi qadağan edilən Aİ rəsmilərinin siyahısını genişləndirdiyini açıqlayıb.
Elchi.az xəbər verir ki, Nazirlikdən verilən yazılı açıqlamada, AB-nin oktyabrın 6-da Rusiyaya qarşı bəzi sanksiyalar tətbiq etdiyi xatırladılaraq, bu cür birtərəfli hərəkətlərin “qanunsuz” olduğu vurğulanıb.
Avropa Şurası Parlament Assambleyasının (AŞPA) oktyabrın 13-də Rusiyaya qarşı qəbul etdiyi qərarı xatırladan bəyanatda qeyri-dost hərəkətlərə cavab olaraq Rusiyaya girişi qadağan olunmuş Aİ-yə üzv ölkələrin nümayəndələrinin siyahısının genişləndirildiyi vurğulanıb.
Adların siyahısına yer verilməyən açıqlamada tədbirlərin bəzi AŞPA üzvləri üçün də keçərli olduğu diqqətə çatdırılıb.
8-ci sanksiya paketi qəbul edilib.
Aİ oktyabrın 6-da Rusiyanın Ukraynanın Donetsk, Luqansk, Zaporojye və Xerson vilayətlərini qanunsuz olaraq ilhaq etməsi və müharibəni qızışdırması əsası ilə 8-ci sanksiyalar paketini qəbul edib.
Paketin təsdiqi ilə Rusiyaya qarşı yeni sanksiyalar, o cümlədən ticarət qadağaları və bu ölkənin neft satışının tavan qiyməti qəbul edilib.
Bu yaxınlarda Ukraynada müharibənin qızışdırılmasına görə məsuliyyət daşıyan Aİ-nin sanksiya siyahısına 30 yeni ad və 7 təşkilat əlavə edilib.
Şayəstə
Son şərhlər