“Arazboyu təlim keçirənlər ikinci Qarabağ savaşı günlərində Ermənistana cəbhədəki durumla bağlı kəşfiyyat məlumatı ötürülməsindən tutmuş, ərazisindən keçməklə silah-sursat, terrorçu dəstələrinin göndərilməsinədək hər cür dəstək verdi. Sonda hətta Zəngilan yaxınlığında ordumuzun önünü kəsmək, torpaqlarımızın azad edilməsinə maneçilik törətmək kimi bir rəzilliyə də əl atdı. Amma məqsədinə çata bilmədi”.
Elchi.az xəbər verir ki, bu barədə millət vəkili Sahib Alıyev FB hesabında bildirib:
“2020-ci ilin 20 oktyabrında Zəngilan düşməndən azad edildi. Düz iki il sonra, Zəngilanın azad edildiyi gündə orada Beynəlxalq Hava Limanının açılışı və bu açılışa qardaş Türkiyənin lideri cənab Ərdoğanın təşrif gətirməsi Ermənistan, ona geosiyasi alət gözündə baxanlarla yanaşı həm də həmən o təlim keçirənlərə də bir ismarıcdır. Yəni təlim keçirmirsiniz, nə edirsiniz edin, proses gedəcək, Zəngilanın azad olunması, bu gün orada Zəngəzurun hava qapısının açılması kimi regionla bağlı digər planlar da reallaşdırılacaq. Maneçilik törətməyə qalxsanız Zəngilan Beynəlxalq Hava Limanının başqa bir özəlliyini də görəcəksiniz və bu sizə çox baha başa gələcək.
Yəni əmmamənizi çıxarın qoyun qabağınıza, ağlınızı başınıza yığın, qarşınızda kimlərin durduğuna yaxşı baxın, sizin hədəniz çaqqallardan təmizləndikdən sonra Zəngəzur bozqırlarına buraxılan ceyranları belə hürküdəsi deyil”.
Şayəstə
Son şərhlər