Ukrayna müdafiə müharibəsi aparır və ABŞ-ın tədarük etdiyi silahlarla Rusiya ərazisindəki obyektlərə zərbə endirməyi planlaşdırmır.
Bunu Ukrayna Prezidentinin müşaviri Mixail Podolyak “Twitter“də bildirib.
“Rusiyanın bu gün bir nömrəli tapşırığı Ukrayna ilə ABŞ arasında etimadı zədələməkdir. Ukrayna müdafiə müharibəsi aparır və (ABŞ-ın tədarük etdiyi) MLRS-dən Rusiya ərazisindəki obyektlərə zərbə endirmək üçün istifadə edilməsini planlaşdırmır. Bizim tərəfdaşlarımız onların silahlarının harada istifadə edildiyini bilirlər. Belə bir niyyətlə bağlı istənilən iddialar Rusiya xüsusi xidmət orqanlarının psixoloji əməliyyatıdır”, – Podolyak qeyd edib.
Xatırladaq ki, ABŞ Prezidenti Co Bayden ölkəsinin Ukraynaya qabaqcıl raket sistemləri göndərə biləcəyini bəyan edib. Ukraynaya göndəriləcək HIMARS sisteminin 49 mil məsafədə zərbə endirmək qabiliyyəti olacağı bildirilib.
Pakistan XİN: Məkkə paktının iştirakçıları yaxın vaxtlarda Ər-Riyadda görüşəcəklər
Pakistan, Səudiyyə Ərəbistanı və Türkiyə arasında bağlanmış Məkkə sazişi çərçivəsində yaradılmış Strateji Siyasi-Müdafiə Komitəsinin iclası yakın vaxtlarda Ər-Riyadda keçiriləcək. Elchi.az...
Son şərhlər