17 il öncə fəaliyyətə başlayan MedServis ÖTM, bu illər ərzində minlərlə insana ümid, sağlamlıq ocağı olub və qalmaqdadır.
2000-ci ildə MedServis ÖTM fəaliyyətə başlayan zaman, təxminən 8 000 000 Azərbaycan əhalisinə xidmət edən 10-15 dializ aparatında 60-a yaxın xəstə hemodializ müalicəsi alırdılar. Belə şərtlər daxilində fəaliyyətə başlayan mərkəzimiz qısa zaman kəsiyində uğurlu işi ilə Azərbaycan tibb ictimaiyyətinin diqqətini və müsbət rəyini qazanmış oldu. Belə ki, bu illər ərzində xroniki və kəskin böyrək çatışmazlığı səbəbi ilə minlərlə xəstə hemodializ müalicəsinə götürülüb. Qeyd olunmalıdır ki, mərkəzimizə müraciət edən xəstələrin əksəriyyəti ağır halda olduğundan xəstələr mərkəzimizdə aparılan proqramlaşdırılmış müalicə rejimi fonunda vəziyyəti yaxşılaşmış, sabit duruma çatdırılmış, əksəriyyəti hal-hazırda Azərbaycanın müxtəlif bölgələrində açılmış dializ mərkəzlərində müalicələrini davam etdirməkdədir. Mərkəzimizdə hazirlanmış kadrlar hal-hazırda Medservis ÖTM və Azərbaycanın digər müasir və qabaqcıl tibb mərkəzlərində çalışmaqdadırlar.
Fəaliyyət göstərdiyi 17 il ərzində MedServis ÖTM çox ilklərə imza atmışdır:
- Qafqazda ilk özəl hemodializ mərkəzi, MDB məkanında ilk iki mərkəzdən biri
- İlk səyyar hemodializ
- İlk dəfə uşaq hemodializi
- İlk dəfə 6 aylıq uşağın hemodializ müalicəsinə götürülməsi və böyrək fəaliyyətinin tam bərpası
- İlk dəfə daimi – permanent kateterlərin qoyulması
- Ilk dəfə ev hemodializi
- İlk dəfə MDB məkanında 6 il dializdə olan xəstənin hamilə qalması və sağlam oğlan uşağının dünyaya gəlməsi
- İlk dəfə bizim labaratoriyada nefrologiyada geniş istifadə olunan parathormon, sistatin C, eritropoetin, vitamin B12, siklosporin səviyyəsinin təyini analizlərin edilməsi
- İlk dəfə nefrolji saytın yaradılması – www.medservis.az
Nəticə olaraq bugün 2000-ci ildən fəaliyyətə başladığımız zamana nisbətən Azərbaycanda yeni muasir standartlara cavab verən mərkəzlər fəaliyyət göstərir. Nefroloji xidmətin səviyyəsi müqayisədə artmış, artıq Azərbaycanın hər bölgəsində hemodializ mərkəzi fəaliyyət göstərməkdədir. Böyrək köçürmə sahəsində , yetərincə olmasa da irəliləyiş və uğurla əməliyyatlar həyata keçirilir. Periton dializi xidməti mövcuddur . Azərbaycanda nefroloji xidmətin bu ərəsəyə çatmasında Medservis ÖTM-nin fəaliyyəti danılmazdır.
Son şərhlər