Azərbaycanın bəzi rayonlarda qiymət artımına qarşı aksiyalar keçirildi

Ölkənin bəzi media qurumları son günlər ölkədə baş verənləri kütləvi aksiya kimi təqdim etdi.

Bu məsələyə millət vəkili, Mətbuat Şurasının sədir Əflatun Amaşov  verdiyi açıqlamasında münasibət bildirib:

“Biz bu məsələni düzgün hesab etmirik. Bununla bağlı monitorinqlər aparırıq. Mediada kifayət qədər yalnış informasiylar gedib. Bəzi məqamlarda hansısa gizli mənbəyə əsasən rayonlardan birində aksiyanın keçirilməsi gündəmə gəlmişdi. İstər-istəməz belə məqamlarda bunun arxasında müəyyən bir niyyət dayanır. Azsaylı insanlar toplaşıb bank borcu və ya digər məsələlərlə bağlı etiraz edirlər, bunu bəzi media qurumları kütləvi aksiya kimi təqdim edir. Bunlar hamısı səhvdir, yalnışdır, pis niyyətlidir.

Bəzi aksiyalar hansısa siyasi qrupların maraqlarına uyğundursa, o qrup həmin faktı birmənalı qaydada bilərəkdən şişirdir. Bəzi məqamlarda bu xəbəri hansısa vətəndaşdan eşidir və peşəkarlığın az olmasından hadisələri yoxlamadan işıqlandırır. İşıqlandırarkən fərqi yoxdur onun 10 000 İP-si olsun, ya 1000, xəbər portalları bir-biri ilə əlaqə saxlayaraq bu cür xəbərləri internet şəbəkəsi vasitəsi ilə bütün ölkəyə yayırlar. Bu hadisələrlə bağlı bəzi KİV nümayəndələrini topladıq, onlarla bu tipli məsələləri müzakirə etdik. Onlara tövsiyə etdik ki, belə məqamlarda ehtiyatlı olsunlar”.