PKK Şırnakın Beytüşşebap rayonunda Kato dağına aparan yolu kəsərək əsgərlərə ərzaq aparan mikroavtobusu qaçırıb.
ANS PRESS-in məluamtına görə, Beytüşşebapdan Kato dağına 5 kilometr məsafədə yerləşən İkinci Körpü postunda yol kəsən PKK silahlıları ilk öncə nəqliyyat vasitələrinə baxış keçirib. Mikroavtobusların birində ərzaq olduğunu görən silahlılar onu saxlayıb. Bir neçə vaxtdan sonra hələ kimliyi aydın olmayan avtobus sürücüsü azad edilib. Əsgərlərə ərzaq daşıyan avtomaşını isə özləri ilə Kato Dağına doğru aparıblar.
Yolun hər iki tərəfi avtomobillərin hərəkəti üçün PKK tərəfindən bağlanılıb. Yolda qalan təxminən 150 maşına 3 saat sonra hərəkətlərini davam etməyə icazə verilib.
Mikroavtobus sürücüsü isə dindirilmək üçün polis idarəsinə aparılıb.
Son şərhlər