Yunanıstana getmək istəyən Türkiyə vətəndaşlarına viza verilməyib.
Viza verilməməsi səbəbindən təşkil edilən turların ləğv edilə biləcəyini ifadə edən turizm nümayəndələri, “3 avqust tarixinə qədər Yunanıstan konsulluqları viza üçün görüş vermir. Ramazan Bayramı tətilində Türkiyə vətəndaşları Yunanıstana gedə bilməyəcək” deyib.
İqtisadi böhranla üzləşən Yunanıstana getmək üçün viza müraciəti edən Türkiyə vətəndaşları qapıda qalıblar.
Musavat.com-un xəbərinə görə, Yunanıstana getmək istəyən Türkiyə vətəndaşlarına “Sistemdə problem var. Ona görə viza verə bilmirik” deyilib. Viza alınması prosesinin bu şəkildə uzanması halında Yunanıstana gedəcək türk turistlərin sayının azalacağı deyilir. Bu da hazırda maddi böhran içində olan Yunanıstan üçün heç də yaxşı hal deyil.
Qeyd edək ki, 2014-cü ildə Yunanıstana gedən türk turistlərin sayı 750 min, 2015-ci ildə isə 1 milyon olub.
Son şərhlər