NATO-nun baş katibi də eyni fikirdədir
“Debalçevoda Rusiya Ordusu döyüşür ” – ABŞ-ın Ukraynadakı səfiri Cefferi Payett belə bir iddiasını “Twitter”dəki hesabında qeyd edib. Səfir dediklərinin sübutu kimi peykdən çəkilmiş bir neçə fotonu da öz şərhinə əlavə edib. Səfir yazır: “ Debalçevo. Biz əminik ki, separatçılar yox, məhz rusiyalı hərbçilər orada döyüşür. Rusiyalı hərbçilərin Hava Hücumuna qarşı Müdafiə Sistemi var. Həmin sistem də Debalçevoda istifadə olunur. Ukrayna ilə sərhəddə olan Rusiya ordusu “separatçı”lara böyük həcmdə silah ötürməyə hazırlaşır, bununla da Ukraynanın şərqindəki separatçılara dəstək verirlər ”.
Debalçevoda Rusiya Ordusunun döyüşməsi barədə daha öncə ABŞ Dövlət Departamentindən Cen Psaki bəyanat vermişdi. Eyni bəyanatla NATO-nun baş katibi Yens Stoltenberq də çıxış edib.
Ümumiyyətlə, Qərb mediası hazırda Rusiyanın Ukraynaya qarşı irimiqyaslı hərbi əməliyyat apardığın qeyd edir. Atəşkəs ərəfəsində Ukraynanın şərqində gərginliyin bu həddə çatması Minskdə əldə olunmuş razılığı şübhə altına alır.
Elbəyi Həsənli, musavat.com
-
Heç nə tapılmadı.
“>
Son şərhlər