Bu gün Azərbaycanın Milli Qəhrəmanı, Xocalı Soyqırımı zamanı şəhid olmuş Füzuli Rüstəmovun xatirəsi Neftçala rayonunun Aşağı Surra kəndində anıldı. Anım 
mərasimi “Yeni Yurd” Sosial İnkişaf və “Xocalı Soyqırımını Tanıtma” ictimai birliklərinin birgə təşkilatçılığı ilə Nefçala rayonunun Mədəniyyət evində baş tutdu. O, Şəhid, Milli Qəhrəmanlarımızın tanınması üçün belə tədbirlərin keçrilməsini alqışladı və gələn qonaqlara təşəkkür etdi. Yeni yadaılmış “Vətənpərvərlər və Gənclərin İntellektual Mülkiyyətinə Dəstək Koalisiyası”nın və “Yeni Yurd” Sosial İnkişaf ictimai birliyinin rəhbəri Mahirə xanım Əsədova, “Xocalı Soyqırımını Tanıtma” ictimai birliyinin sədri Şamil Sabiroğlu, Azərbaycanın Milli Qəhrəmanı Asif (Fred) Məhərrəmov adına İnkişaf Fondunun sədri Hacı Ədalət Məhərrəmov, Ana Harayı qəzetinin Baş redaktor müavini, şair Vaqif Nəcəfzadə və başqaları çıxış edərək, Azərbaycanın ərazi bütövlüyü uğrunda gedən döyüşlər zamanı şəhid olanların xatirəsinin xalqımız tərəfindən əziz tutulduğunu qeyd etdilər.Şəhid, Milli Qəhrəmanın bacısı, Xocalı şəhər 2saylı tam orta məktəbin direktoru Fiqurə xanım Rüstəmova qardaşının xatirəsini əziz tutanların hər birinə təşəkkürünü bildirdi. “Yeni Yurd” Sosial İnkişaf ictimai birliyinin sədri Mahirə xanım Əsədova və “Xocalı Soyqırımını Tanıtma” ictimai birliyinin sədri Şamil Sabiroğlu məktəbin pedaqoji kollektivinə və tədbirin yüksək səviyyədə hazırlanmasına kömək göstərmiş Şəhid Zabil Əsgərov adına Aşağı Surra kənd orta məktəbinin müəllimi Şərabanı Nağıyevaya diplom və qiymətli hədiyyələr təqdim etdilər.
Şahidə Tapdıq qızı ,
“Ana harayı” qəzeti
Son şərhlər