ABŞ Prezidenti Donald Tramp İranın nüvə silahı proqramı və etirazçıları hədəf almamaqla bağlı bir şey etməli olduğunu bildirərək dedi: “Hazırda İrana gedən çox böyük və çox güclü gəmilərimiz var, ümid edirəm ki, onlardan istifadə etmək məcburiyyətində qalmayacağıq”.
Elchi.az xəbər verir ki, Prezident Tramp, həyat yoldaşı Melaniya Trampın adını daşıyan “Melaniya” filminin qala nümayişi üçün Kennedi Mərkəzinə daxil olarkən jurnalistlərin suallarını cavablandırdı.
Son bir neçə gündə İranla danışıb-danışmadığı və ya danışmağı planlaşdırıb-planlaşdırmadığı soruşulduqda, Tramp cavab verdi: “Mən danışmışam və danışmağı planlaşdırıram”.
Tehran administrasiyasına “xəbərdarlıq” edən Tramp dedi: “Hazırda İrana gedən çox böyük və çox güclü gəmilərimiz var, ümid edirəm ki, onlardan istifadə etmək məcburiyyətində qalmayacağıq”.
ABŞ Prezidenti sözünə davam edərək dedi: “Mən onlara iki şey dedim. Birincisi, nüvə silahına icazə verməyin, ikincisi, etirazçıları öldürməyi dayandırın. Onlar minlərlə insanı öldürürlər. İki həftə əvvəl 837 edamın dayandırılmasını aldım, amma indi onlar bir şey etməli olacaqlar”.
Şayəstə
