ABŞ texnologiya şirkəti Apple-ın xalis satışları üç aylıq dövrdə illik müqayisədə 16 faiz artaraq bazar gözləntilərini aşıb.
Elchi.az xəbər verir ki, 27 dekabr 2025-ci ildə bitən üç aylıq dövrü maliyyə təqvimində 2026 maliyyə ilinin birinci rübü hesab edən Apple, balans hesabatını açıqladı.
Müvafiq olaraq, şirkətin ümumi xalis satışları bu dövrdə illik müqayisədə 16 faiz artaraq 143,8 milyard dollara çatıb.
Apple-ın xalis satışları əvvəlki ilin eyni dövründə 124,3 milyard dollar olaraq qeydə alınıb.
Şirkətin xalis mənfəəti eyni dövrdə 42,1 milyard dollar olaraq hesablanıb.
Apple əvvəlki ilin eyni dövründə 36,3 milyard dollar xalis mənfəət elan etmişdi.
Şirkətin səhm başına qazancı da bu dövrdə 2,4 dollardan 2,84 dollara yüksəlib.
Şirkətin xalis satışdan əldə etdiyi gəlir və səhm başına qazanc bu dövrdə bazar gözləntilərini aşıb.
iPhone satışları artıb
Sözügedən dövrdə Apple şirkətinin iPhone və iPad satışları artıb, Mac satışları isə azalıb.
27 dekabrda bitən üç aylıq dövrdə iPhone satış gəliri illik müqayisədə 23 faiz artaraq 85,3 milyard dollara çatıb.
Şirkətin iPhone satışları bu dövrdə bazar gözləntilərini üstələyib.
Eyni dövrdə iPad satışları 6 faiz artaraq 8,6 milyard dollara, Mac satışları isə 7 faiz azalaraq 8,4 milyard dollara düşüb.
Şayəstə
