WSJ: Lukaşenko Trampın xüsusi elçisi ilə arıqlama dərmanları barədə soruşdu.
Elchi.az xəbər verir ki, Wall Street Journal (WSJ) qəzetinin məlumatına görə, Belarus prezidenti Aleksandr Lukaşenko Donald Trampın Belarusdakı xüsusi elçisi Con Kol ilə danışıqlar zamanı arıqlama dərmanları barədə soruşub.
Nəşrin məlumatına görə, Kol Lukaşenkoya piylənmə əleyhinə Zepbound dərmanından istifadə təcrübəsi barədə danışıb və Belarus prezidentinə istehsalçının broşürünü verib.
WSJ yazır: “Bəlkə də Amerika rəsmiləri düşünürdülər ki, artıq çəkidən qurtulmaq istəyən 71 yaşlı dövlət başçısına artıq çəki ilə mübarizədə kömək etmək üçün bir yol ola bilər. Onlar Lukaşenkonun şəxsi istifadəsi üçün Zepbound tədarükünü təşkil etmək üçün bir yol axtarmağa qərar veriblər”.
Nəşr qeyd edir ki, Lukaşenko aprel ayında arıqlama dərmanlarına maraq göstərib və yaxın köməkçisi ona “çəkisi ilə bağlı bir şey etməyi” məsləhət görüb, nəşr mənbəyə istinadən yazır.
12 dekabrda Lukaşenko qlobal məsələləri müzakirə etmək üçün Minskdə Kolun rəhbərlik etdiyi Amerika nümayəndə heyətini qəbul edib. Bu, ABŞ-ın xüsusi elçisinin son üç ayda ikinci səfəri idi. Danışıqlardan sonra Kol Lukaşenkonun Rusiya ilə Ukrayna arasındakı münaqişənin həlli ilə bağlı yaxşı məsləhətlər verdiyini bildirdi. “The New York Times” qəzeti Lukaşenko ilə Kol arasındakı danışıqların ölkələr arasında münasibətlərin istiləşməsini göstərdiyini yazıb.
Şayəstə
