Venesuela Xarici İşlər Naziri Gil: Putin Maduronu Milad və Yeni il münasibətilə təbrik etdi.
Elchi.az xəbər verir ki, Rusiya Prezidenti Vladimir Putin Venesuela Prezidenti Nikolas Maduroya Milad və Yeni il münasibətilə təbrik mesajı göndərdi. Venesuela Xarici İşlər Naziri İvan Gil bu barədə Telegram kanalında mesajın skan edilmiş surətini əlavə edərək məlumat verdi.
“Zati-aliləri, cənab Prezident, əziz Nikolas! Sizi Milad və Yeni il münasibətilə ürəkdən təbrik edirəm”, – deyə Rusiya lideri venesuelalı həmkarına yazıb.
Rusiya Prezidenti mesajında həmçinin xarici qüvvələrin misli görünməmiş təzyiqi altında qalan Venesuela xalqı ilə “sarsılmaz həmrəyliyini” bir daha təsdiqləyib.
Bundan əlavə, Putin mesajında ikitərəfli münasibətlər kontekstində ötən ilin uğurlarını qeyd edib və Strateji Tərəfdaşlıq və Əməkdaşlıq Sazişinin imzalanmasından bəhs edib. Rusiya liderinin sözlərinə görə, bu təşəbbüs ölkələr arasında bütün sahələrdə əməkdaşlığın genişləndirilməsi üçün lazımi şərait yaradıb.
Rusiya lideri ikitərəfli və beynəlxalq məsələlərdə əməkdaşlığı davam etdirməyə hazır olduğunu təsdiqləyib, Maduroya “can sağlığı, xoşbəxtlik və uğurlar”, Venesuela vətəndaşlarına isə rifah və sülh arzulayıb.
Şayəstə
