Rusiyada “Apple” şirkətinin “FaceTime” proqramı vasitəsilə cinayətlərin törədildiyinə dair iddialara görə ona giriş bloklanıb.
Elchi.az xəbər verir ki, Rusiya İnformasiya Texnologiyaları və Kütləvi İnformasiya Vasitələrinə Nəzarət üzrə Federal Agentliyinin (Roskomnadzor) verdiyi açıqlamada FaceTime-da sentyabr ayından bəri yaşanan giriş problemləri ilə bağlı qiymətləndirmələr yer alıb.
Tətbiq vasitəsilə cinayətlərin törədildiyi iddia edilən bəyanatda deyilir: “FaceTime ölkədə terror fəaliyyətinin təşkili və həyata keçirilməsi, cinayətkarların toplanması, vətəndaşlarımıza qarşı dələduzluq və digər cinayətlərin törədilməsi üçün istifadə olunur”.
Açıqlamada qeyd olunub ki, sözügedən səbəbə görə tətbiqə giriş bağlanıb.
Bu arada Rusiyada təhlükəsizlik və fırıldaqçılıqla mübarizə məqsədilə WhatsApp və Telegram vasitəsilə zənglər məhdudlaşdırıldığı halda, yaxınlarda istifadəyə verilmiş yerli tətbiq MAX xüsusilə dövlət qurumları arasında sürətlə yayılmağa başlayıb.
Məryəm
