Rusiyanın xarici işlər naziri Sergey Lavrov dekabrın 4-5-də Vyanada keçiriləcək ATƏT Nazirlər Şurasının iclasında iştirak etməyəcək. Moskvanı iclasda nazir müavini Aleksandr Qruşko təmsil edəcək.
Elchi.az xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə bildirib.
“Xeyr”, o, Lavrovun iclasda iştirak etməyi planlaşdırıb-planlaşdırmadığı ilə bağlı suala cavab olaraq bildirib. “Rusiya tərəfini xarici işlər nazirinin müavini Qruşko təmsil edəcək.”
Zaxarova əlavə edib ki, Rusiya Xarici İşlər Nazirliyi ATƏT-in Xarici İşlər Nazirləri Şurasının iclası öncəsi Rusiyanın yanaşmaları ilə bağlı ətraflı materialları paylaşacaq.
Hər təqvim ilinin sonunda təşkilatın Xarici İşlər Nazirləri Şurası ənənəvi olaraq iclas keçirir. Bu, mərkəzi qərar qəbuletmə və idarəetmə orqanıdır. 2025-ci ildə Finlandiya ATƏT-ə sədrlik edəcək.
Məryəm
