“Dünya sürətlə dəyişir və hər gün yeni çağırışlar, yeni təhdidlər özünü büruzə verir”.
Elchi.az xəbər verir ki, bu fikir Prezident İlham Əliyevin “Terrorçu hücumlar və silahlı münaqişələr zamanı humanitar böhranların və qlobal xarakterli texnogen fəlakətlərin qarşısının alınmasında təhlükəsizlik orqanlarının qarşılıqlı fəaliyyəti” mövzusunda beynəlxalq konfransın iştirakçılarına ünvanladığı müraciətdə öz əksini tapıb.
Prezident qeyd edi ki, müxtəlif bölgələrdə silahlı toqquşmaların baş verməsi humanitar böhranlara, texnogen qəzalara, ekoloji fəlakətlərə zəmin yaradır:
“Eyni zamanda beynəlxalq müstəvidə münaqişələrin alovlanması, terrorçu təşkilatların yenidən fəallaşması, eləcə də kibertəhdidlərin artması müşahidə olunur. Bütün bunlar dövlətləri qlobal xarakter daşıyan təhdidlərlə üz-üzə qoyur. Bu kontekstdə dini ekstremizm, separatçılıq, transmilli mütəşəkkil cinayətkarlıq, narkotik vasitələrin qanunsuz dövriyyəsi, qeyri-qanuni miqrasiya və silah qaçaqmalçılığı kimi hüquqazidd əməllərin beynəlxalq təhlükəsizlik sistemini sarsıtması ciddi narahatlıq doğurur. Şübhəsiz, müasir dövrün bu cür problemlərinin həlli yeni yanaşmaların, yeni vasitələrin tətbiqini, ən əsası isə ölkələrin birgə səylərini və sıx əməkdaşlığını tələb edir. Bu baxımdan Bakı Təhlükəsizlik Forumunun qlobal və regional təhlükəsizliyin ən aktual məsələləri barədə açıq və konstruktiv fikir mübadiləsinin aparılması üçün faydalı platformaya çevrilməsini görməkdən məmnunluq duyuruq”.
Məqalə çox maraqlıdır, İlham Əliyevin dediyi kimi dünya həqiqətən də dəyişir və yeni təhdidlər yaranır. Bu mövzuda ətraflı danışmaq lazımdır. Bu cür konfranslar təhlükəsizlik məsələlərinə diqqət çəkmək üçün çox önəmlidir. Ümid edirəm gələcəkdə də belə faydalı müzakirələr olar.
Əsas məsələləri vurğuladığınız üçün təşəkkür edirəm. Prezident İlham Əliyevin də dediyi kimi, dünya həqiqətən də dəyişir və bu yeni çağırışlara hazır olmalıyıq. Bu cür konfranslar çox vacibdir, çünki belə məsələlər haqqında danışmaq lazımdı. Ümid edirəm ki, belə faydalı müzakirələr davam edəcək.