Putin Trampla danışıqlara açıq olduğunu bildirib

Putin: Prezident Trampla mənim açıq dialoqumuz var.
Elchi.az xəbər verir ki, Rusiya prezidenti Vladimir Putin ABŞ lideri Donald Trampla danışıqlara açıq olduğunu bildirib. Bu barədə RİA Novosti məlumat yayıb.
“Bizim prezident Trampla açıq dialoqumuz var”, – Rusiya lideri Şərq İqtisadi Forumunun plenar iclasında moderatorun ABŞ prezidentinin ona zəng edib-etməməsi ilə bağlı sualını cavablandırarkən deyib.
Putinin sözlərinə görə, Trampla onun arasında razılaşma var ki, ona əsasən, liderlər istənilən vaxt bir-birinə zəng edərək Ukrayna böhranını müzakirə edə bilərlər. Prezident həmçinin qeyd edib ki, “indiyə qədər Avropada bu məsləhətləşmələr nəticəsində bizim heç bir söhbətimiz olmayıb”.
Sentyabrın 4-də Parisin Yelisey sarayında qondarma “istəklilər koalisiyası”nın iclası keçirilib. İclasda şəxsən və ya onlayn şəkildə ümumilikdə 39 ölkə iştirak edib. “The New York Times” yazır ki, əsas müzakirə mövzularından biri Avropa qoşunlarının Ukraynaya mümkün göndərilməsi olub.
Şərq İqtisadi Forumu 2025 sentyabrın 3-dən 6-dək Vladivostokda Russki adasındakı Uzaq Şərq Federal Universitetinin kampusunda keçirilir. Yubiley, onuncu iclas Asiya-Sakit okean regionunun liderlərini, biznes və beynəlxalq təşkilatların nümayəndələrini bir araya toplayıb.