BMT Baş katibinin sözçüsü Stefan Düjarrik bildirib ki, avqustun 31-də Əfqanıstanda baş verən zəlzələ regionda mövcud su çatışmazlığını daha da artırıb.
Elchi.az xəbər verir ki, Dujarrik BMT-nin Nyu-Yorkdakı qərargahında təşkil edilən gündəlik mətbuat konfransında Əfqanıstandakı zəlzələ ilə bağlı açıqlamalar verib.
Əfqanıstanda Pakistan sərhədi yaxınlığında baş verən zəlzələ ilə bağlı son məlumatları paylaşan Dujarrik, 6 bal gücündə baş verən zəlzələnin “əvvəlki daşqınlardan zərər çəkmiş su ehtiyatlarının vəziyyətini daha da ağırlaşdırdığını” söylədi.
Düjarrik BMT-nin humanitar işçilərinin zəlzələ bölgəsində işlərini davam etdirdiyini qeyd edərək, təxminən 84 min insanın zərər çəkdiyi təbii fəlakətdə 6700 evin dağıldığını bölüşüb.
Düjarrik zəlzələdə ölənlərin sayının 2205-ə, yaralıların sayının isə 3640-a çatdığı barədə xəbərləri də təsdiqləyib.
Avqustun 31-i bazar günü gecə ölkənin şərqində, Pakistan sərhədində baş verən 6 bal gücündə zəlzələdən ən çox zərər çəkən Kunar əyaləti olub. Əfqanıstan rəsmiləri indiyədək 2205 nəfərin öldüyünü, 3640 nəfərin isə yaralandığını açıqlayıb.
Şayəstə Hüseynova
Son şərhlər