ABŞ Dövlət Departamenti münaqişənin davam etdiyi Suriya üçün ən yüksək səviyyəli “4-cü səviyyə” səyahət xəbərdarlığının qüvvədə olduğunu açıqlayıb və ABŞ vətəndaşlarını bölgəni boşaltmağa çağırıb.
Elchi.az xəbər verir ki, ABŞ Dövlət Departamentinin səyahət xəbərdarlığı dərc etdiyi X sosial media hesabında yayımlanan açıqlamada Suriya ilə bağlı açıqlama verilib.
Bəyanatda münaqişənin qızışdığı Suriya üçün ən yüksək səviyyəli “4-cü səviyyə” səyahət xəbərdarlığının qüvvədə olduğu xatırladılıb və ABŞ vətəndaşlarını bölgəni boşaltmağa çağırıb.
Bəyanatda bölgəni tərk edə bilməyənlərə təhlükəsiz yerə sığınmaq tövsiyə edilib.
Suveydada toqquşmalar və İsrailin hücumları
İyulun 13-də Suriyanın cənubundakı Suveyda əyalətində bədəvi ərəb qəbilələri ilə druz silahlı qrupları arasında kiçik miqyaslı toqquşmalar baş verib.
Bölgəyə yerləşdirilən Suriya təhlükəsizlik qüvvələrinə druz qruplarının hücumları nəticəsində onlarla əsgər həlak olub.
Təhlükəsizlik qüvvələri ilə yerli druz silahlı qrupları arasında artan toqquşmalardan sonra tərəflər arasında atəşkəs əldə edilib. Atəşkəs tezliklə pozulduqca, İsrail ordusu Suriya təhlükəsizlik qüvvələrini hədəf alan hücumlara başlayıb.
İyulun 16-da İsrail Hərbi Hava Qüvvələri Suriya prezidentinin iqamətgahına, Baş Qərargah qərargahına və Müdafiə Nazirliyinə zərbələr endirib.
Elə həmin gün Sveydada hökumətlə yerli qruplar arasında atəşkəs bərpa olunarkən, İsrail döyüş təyyarələri Dəməşq və Dəraya hücumlar təşkil edib.
Təhlükəsizlik qüvvələrinin geri çəkildiyi Sveydada toqquşmalarda və İsrailin hücumlarında yüzlərlə insanın öldüyü təxmin edilir.
Şayəstə Hüseynova
