BMT-nin baş katibi Antonio Quterreş Qəzzada atəşkəsin kifayət etməyəcəyini və israillilər kimi fələstinlilərin də öz hüquqlarını həyata keçirə biləcəkləri bir dövlətə sahib olmaları lazım olduğunu bildirib.
Elchi.az xəbər verir ki, BMT-nin baş katibi Antonio Quterreş Nyu Yorkda mətbuata açıqlama verib. Qəzzada dağıntı və insan tələfatının yaxın tarixdə görünməmiş səviyyədə olduğunu vurğulayan Quterreş, “Qəzzada baş verənlər dəhşətlidir. Qəzza xalqının çəkdiyi böyük əzablardan əlavə, bu vəziyyət təməl insan ləyaqətini sarsıdır” dedi.
Quterreş Qəzzada dərhal və davamlı atəşkəsin vacibliyini vurğulayaraq, tək atəşkəsin kifayət etməyəcəyini, israillilər kimi fələstinlilərin də öz hüquqlarını sərbəst şəkildə həyata keçirə biləcəkləri bir dövlətə sahib olması lazım olduğunu qeyd edib. Quterreş iyulun sonunda BMT-də iki dövlət həlli ilə bağlı beynəlxalq konfransın keçiriləcəyini açıqlayıb və “5 milyon insanın öz torpaqlarında heç bir hüquq olmadan yaşaya bilməsi fikri insan ləyaqətinə və beynəlxalq hüquqa tamamilə ziddir” deyib.
Şayəstə Hüseynova
