Alimlər ilk dəfə olaraq heyvanın bitkinin çıxardığı “incə” səslərə reaksiya verdiyinə dair sübut əldə ediblər.
Elchi.az BBC-yə istinadən xəbər verir ki, elm adamları 2023-cü ildə bitkilərin susuz qaldıqda və ya zədələndikdə yüksək tezlikli səslər yayaraq “qışqırdığını” vurğuladığını aşkar ediblər. Daha sonra heyvanların bu səslərə reaksiyaları ilə bağlı araşdırmalarını davam etdirdilər.
İsrailin Təl-Əviv Universitetinin tədqiqatçıları bu kontekstdə araşdırma apararaq, dişi kəpənəklərin pomidor bitkilərinə reaksiya verərək stresli olduqlarını və üzərinə yumurta qoymaqdan çəkindiklərini aşkar ediblər.
Araşdırmada qeyd edilib ki, bu davranış güvələrin bitkilərin yaydığı səsləri insan qulağının eşitmədiyi tezliklərdə təsbit etdiyini və bu səslərə əsasən qərar verdiyini göstərir.
Tədqiqatçılardan biri, Tel-Əviv Universitetinin professoru dişi güvələrin insan qulağının eşitmədiyini və bu səslərə əsasən qərar verdiklərini bildirib. Yossi Yovel açıqlamasında “Bu, heyvanın bitkinin çıxardığı səslərə reaksiya verdiyinin ilk sübutudur” dedi. “Biz bu nöqtədə yalnız fərziyyə edə bilərik, lakin bir çox heyvanın eşitdikləri səslərə əsasən bitkini tozlandırmaq, gizlənmək və ya yemək barədə qərar verə biləcəyi bir ekosistemi təsəvvür edə bilərik.”
Elmi qrupun üzvü Prof.Lilach Hadany, bu tapıntının yalnız heyvanlar üçün deyil, bitkilər arasındakı əlaqə üçün də əhəmiyyətli olduğunu vurğulayaraq, “Bir bitki stresə məruz qaldıqda, ən çox digər bitkilər təsirlənəcək. Bu səbəbdən bitkilərin, məsələn, quraqlıq zamanı sudan daha diqqətli istifadə edərək, bir-birindən gələn səs siqnallarına reaksiya verməsi mümkün ola bilər” dedi.
Tədqiqatçılar vurğulayırlar ki, bu tapıntılar yalnız ilkin xarakter daşıyır və gələcək tədqiqatlar müxtəlif bitkilərin fərqli səslər çıxarıb çıxarmadığını və digər heyvan növlərinin bu səslərə necə reaksiya verdiyini araşdıracaq.
Araşdırmanın nəticələri eLife jurnalında dərc olunub.
Şayəstə Hüseynova
