Çin hökumət qurumlarına Apple şirkətinin iPhone və digər xarici markalı cihazlarını biznes məqsədləri üçün istifadə etməyi və bu cihazların ofisə gətirilməsini qadağan edib.
Elchi.az xəbər verir ki, Wall Street Journal-ın məsələ ilə bağlı məlumatlı mənbələrə əsaslanaraq verdiyi məlumata görə, iPhone və digər xarici markalı cihazlardan istifadəyə qadağa son həftələrdə yüksək səviyyəli menecerlər tərəfindən işçilərə qoyulub.
Apple-dan başqa digər telefon istehsalçılarının adları xəbərlərdə yer almayıb.
Qadağa qərarı Apple-ın gələn həftə iPhone-ların yeni modellərinin təqdim ediləcəyi tədbirdən əvvəl qəbul edilib. Bu qərar ABŞ və Çin arasında gərginliyin artması səbəbindən Çində fəaliyyət göstərən xarici şirkətləri narahat edə bilər.
Son illərdə Çin məlumat təhlükəsizliyi ilə bağlı narahatlıqlar artdıqca şirkətlər üçün yeni qanunlar və qaydalar qəbul etməyə başlayıb.
Şayəstə Hüseynova
Son şərhlər