Müdafiə Nazirliyinin “N” saylı korpusunun Maliyyə xidmət rəisi vəzifəsini icra etmiş Namiq Mirzəyevin barəsində Dövlət Təhlükəsizliyi Xidmətində (DTX) başlanılmış cinayət işi üzrə məhkəmə prosesi başa çatıb.
Elchi.az Teleqraf-a istinadən xəbər verir ki, Bakı Hərbi Məhkəməsində hakim Bilal Məmmədovun sədrliyi ilə keçirilən prosesdə hökm elan edilib.
Namiq Mirzəyev 11 il 6 ay müddətinə azadlıqdan məhrum edilib. Onun cəzasını ciddi rejimli cəzaçəkmə müəssisəsində çəkməsi müəyyən edilib.
Təqsirləndirilən şəxs 6 milyonluq mənimsəmədə təqsirli hesab edilir. O, bu məbləğin 343 min 810 manatını dövlət büdcəsinə ödəyib.
İttihama görə, Namiq Mirzəyev Goranboy və Kəlbəcər rayonlarında yerləşən “N” saylı hərbi hissələrdə xidmətdə olarkən hərbi hissənin maliyyə sənədlərinə yanlış məlumatlar daxil edərək xüsusilə külli miqdarda pul vəsaitini müxtəlif kartlara köçürərək mənimsəyib.
Qeyd edək ki, Namiq Mirzəyev ötən ilin avqustunda Dövlət Təhlükəsizliyi Xidmətinin vəsatəti əsasında həbs edilib.
O, Azərbaycan Respublikası Cinayət Məcəlləsinin 179.4 (xüsusilə külli miqdarda mənimsəmə) və 308-ci (vəzifə səlahiyyətlərindən sui-istifadə etmə) maddələri ilə ittiham olunub.
Belə milyonluq mənimsəmələr olmamalıdır axı. Orduya hörmət eləməlidilər. Dövlətə xəyanətdir bu, cəzasını alıb deməli. Belə adamlar dövlətin adını pis çıxardır.
Bu xəbər çox maraqlıdır, yəni bu adama nə olub görəsən? Altı milyonluq pul, ay adam! Bəəsən olur belə şeylər, nəysə, cəzasını çəkər. Nə desən elə olub, necə deyərlər. Elə adamlar çoxdu, bu cür işlər olurda.
Vay vay, bu necə biabırçılıqdır elə? 6 milyon pulu mənimsəyib 11 il cəza alıb, lap əla da olub. Beləsinlər çox olacaq elə bil, Allah köməy olsn xalqın.
Bu xəbər hamı üçün bir dərs olmalıdı. Belə böyük məbləğdə pulu mənimsəmək çox pisdi. Haqq-hesab olundu və cəzasını çəkəcək. Nəhayət, ədalət yerini tapdı.
Düz deyirsiz, bu dərs olmalıdı. Həmin 6 milyonun taleyi, necə mənimsənildiyi hamını düşündürməlidi. Ədalət yerini tapdı, nəhayət.
Bu xəbərə heç inanmıram. Bir zabit necə o qədər pul mənimsəyə bilər? Bu işdə başqa nəsə var. DTX-nin necə araşdırdığını da bilmirik. Həmişə belə böyük məbləğlər barədə eşidəndə şübhələnirəm.