Elchi.az sey-yah.com-a istinadən bu maraqlı xanımın müsahibəsini təqdim edir:

– Dünyanı nə zaman gəzməyə başlamısınız?

– 2008-ci ildə ilk dəfə xarici dil səviyyəmi artırmaq üçün Londona getdim və orda 3 ay qaldım. Geri qayıdanda dünyanın digər ölkələrini  də gəzib, kəşf etmək istədiyimi anladım. Bu arzumu reallaşdırmağa Litva ilə başladım. Orda bir il yaşadım. Səyahət mənim üçün xoşbəxtlik deməkdir.

– Yəqinki bir ildə Litvanı qarış-qarış gəzmisiniz…

– Litva kiçik bir ölkədir və ən qələbəlik olan şəhərində 500 min insan yaşayır. Dostlarımla avtomobil icarəyə götürüb ölkəni qarış-qarış gəzdik. Estoniya, Belarus, Macarıstan kimi ölkələrə də getmişəm. Təkbaşına 10 ölkə 13 şəhər gəzmişəm. 2009-cu ildən isə həyat yoldaşımla birgə yollardayam.

– Həyat yoldaşınız da sizin kimi səyahət həvəskarıdır?

– Mən həyatına girəndən bəri səyahət həvəskarı olub. İkimizin də heç vaxt maşın və ya ev almaq kimi bir xəyalı olmayıb… Biz səyahət etməyə üstünlük veririk. İnsanlara başımıza gələn hekayələri danışaraq yaşamaq istəyirik.

– Birgə neçə ölkə gəzmisiniz?

– Birgə Avropa, Asiya və Afrikada 32 ölkə və 101 şəhər gəzmişik. O qədər təcrübəni sınaqdan keçirmişik ki… Beş fərqli ölkədə ümumilikdə 33 gün avtomobil icarəyə götürüb səfər etmişik. Balidə günü 10 lirədən  motosiklet icarəyə götürüb palma ağaclarının arasında 490 km məsafə qət etdik. Timsah əti belə yedik. Çox xoşbəxtəm, dünyada pis və təhlükəli yerlərin olmasına inanmıram.

– Sizcə  müharibələrin olduğu ölkələr də yaxşıdır?

– Əgər hardasa müharibə varsa, onun günahkarı bizik…yəni insan… Silah səsləri gələn ölkələrdə belə mütləq görülməsi gərəkən gözəlliklər olduğunu düşünürəm. Dünyada pis bir yer yoxdur.

– Nə cür səyahəti sevirsiniz?

– Tarixi yerləri kəşf etməyi də sevirəm, adrenalin dolu səyahətləri də… Məsələn üzmə fobiyam olduğu halda və heç üzmə bilməsəm də Şarm-Əş-Şeyxdə suyun dərinliklərinə baş çəkmişəm.

– Bəs qorxmadınız?

– Çox qorxdum…10 metr aşağı endim və elə bildim nəfəsim kəsilir, əlim-ayağım titrədi. Suyun altı başqa bir dünya imiş. Akulalara toxundum, inanılmaz idi…

– Langanın (Cənubi Afrikada şəhər) özəlliyi nədədir?

– Bu şəhər 1927-ci ildə salınıb və burada 50 mindən çox cənubi afrikalı yaşayır. İnternetdə axtarış edəndə gördük ki, bura cinayətin ən çox baş verdiyi şəhərlərdəndir. Və xəbərdarlıq edirdilər ki, Langaya getmək təhlükəlidir. Amma vecimizdə də almadıq. İlk olaraq bu şəhəri görmək istədik və yola düşdük. Orda yaşayan uşaqların gəlib əlimə baxması və fərqli bir rəngdə insan görəndə təəccüblənmələri mənə çox xoş gəlmişdi.

– Bloqunuzda insanı ən çox cəlb edən, üzərinə dünya xəritəsi həkk olunan geyiminizdir. Geyimin bir hekayəsi varmı və onu üzərinizdə görən insanların münasibəti necə olur?

– Amsterdamda bazarların birində üzərində dünya xəritəsi olan parçanı görən kimi aldım. Kiçik bir məhəllədə dərziyə apardım və mənə dedi ki bu parçadan ancaq yastıq üzü tikmək mümkündür. İsrarla geyim tikdirdim. Həmin geyimlə öncə İtaliya daha sonra Cənubi Afrikaya səyahət etdim. Geyim İnstagramda “like” rekordu qırdı. Məni yolda görənlər yaxınlaşıb şəkil çəkdirir və xəritənin üstündə ölkələrini axtarırlar. Bir də getdiyim hər ölkədən qlobus alıram. Ayrıca kürəyimdə dünya xəritəsi tatusu var.

– Səyahətlərinizə ümumilikdə nə qədər xərcləyirsiniz?

– Qiymətlər ölkəyə görə dəyişir. İndiyə qədər Avropa ölkələrinə ümumilikdə 3-4 min (1500-2000 AZN), iki həftəlik Asiya və Cənubi Afrika turuna ümumilikdə 10-12 min lirə (4800-6000 AZN) xərcləmişik.