Türkiyənin hazırkı prezidenti Rəcəb Tayyib Ərdoğan bildirib ki, Türkiyə müxalifəti hakimiyyətə gələrsə, Rusiyaya qarşı sərt sanksiyalar tətbiq etmək niyyətindədir.
Elchi.az CNN Türk-ə istinadən xəbər verir ki, bu barədə müvafiq bəyanat Haliç Konqres Mərkəzində vətəndaş birliklərinin toplantısında verilib.
Türkiyə lideri bunun qarşısını almaq üçün hər şeyi edəcəyinə söz verib. Onun sözlərinə görə, Ankara Qərbin, xüsusən də Rusiyaya qarşı yeni sanksiyaların tətbiqi ilə bağlı bütün tələblərini yerinə yetirmək fikrində deyil.
Türkiyədə prezident seçkilərinin ikinci turu ərəfəsində ölkənin hazırkı lideri müxalifətin digər dövlətlərlə münasibətləri bərpa etməyə hazır olması barədə bəyanatlarını xatırladıb. Rəqiblərinin Rusiyaya hücumlarına münasibət bildirən Ərdoğan onları ittihamlarını sübut etməyə dəvət edib.
Ərdoğan seçkilərdə qələbə qazanacağı təqdirdə Qərb ölkələrinin təzyiqlərinə boyun əyməyəcəyi sözünü verib.
O, türk ailə institutlarının LGBT-lərə yer verməsinə icazə verməyəcəyini də bildirib.
Yeganə