Prezident Ərdoğan, dönəm prezidenti İndoneziyanın ev sahibliyi edəcəyi G20 Liderlər Zirvə toplantısına qatılacaq. Ərdoğan sammitdən əvvəl Balidə İndoneziya prezidenti Vidodo ilə də görüşəcək.
Elchi.az xəbər verir ki, bu barədə Rabitə Müdirliyindən verilən məlumata görə, prezident Rəcəb Tayyib Ərdoğan Balidə keçiriləcək 17-ci G20 Liderlər Zirvə toplantısında iştirak edəcək.
Noyabrın 15-16-da keçiriləcək sammitin əsas mövzusu “Birgə toplanış – daha güclü bərpa” olacaq.
Bu çərçivədə G20 liderləri “Ərzaq və Enerji Təhlükəsizliyi”, “Sağlamlıq” və “Rəqəmsal Transformasiya” adlı üç sessiyada fikir mübadiləsi aparacaqlar.
İndoneziya prezidenti Vidodo ilə görüşəcək
Prezident Ərdoğan sammit çərçivəsində müxtəlif ölkələrin liderləri ilə görüşlər keçirəcək.
Ərdoğan zirvədən əvvəl bazar ertəsi, noyabrın 14-də ev sahibi İndoneziya prezidenti Coko Vidodo ilə də geniş ikitərəfli görüş keçirəcək.
Görüş zamanı Türkiyə ilə İndoneziya arasındakı əlaqələrə bütün aspektlərdə baxılacaq, əməkdaşlığın daha da inkişaf etdirilməsi üçün atılacaq addımlar müzakirə olunacaq.
Şayəstə
Son şərhlər