Ermənistanda əsir saxlanılan Azərbaycan hərbçisi Hüseyn Axundova qarşı növbəti cinayət işi açılıb.
Elchi.az Ermənistan Baş Prokurorluğuna istinadən xəbər verir ki, o, “Zəngəzur mis-molibden kombinatının gözətçisini qətlə yetirməkdə” təqsirləndirilir.
Qeyd edək ki, bir neçə gün əvvəl Naxçıvan Muxtar Respublikasının Şahbuz rayonunun Ermənistanla sərhədboyu ərazisində əlverişsiz hava şəraitində məhdud görmə səbəbindən Azərbaycan ordusunun itkin düşmüş əsgərləri – 2004-cü il təvəllüdlü Bəbirov Aqşin Qabil oğlu və 2003-cü il təvəllüdlü Axundov Hüseyn Əhliman oğlu Ermənistan tərəfindən əsir götürülüb.
Aqşin Bəbirov və Hüseyn Axundov “Ermənistanın dövlət sərhədini qanunsuz keçməkdə, odlu silah və döyüş sursatı daşımaqda” ittiham olunurlar, onlar həbs edilib.
Onlar həbs edilərkən xüsusi qəddarlıqla üzləşiblər və dəhşətli işgəncələrə məruz qalıblar. H.Axundova edilən işgəncələr isə ermənilər tərəfindən sosial şəbəkələrdə yayılıb. Ona qarşı absurd ittihamlar irəli sürüləcəyi, guya bununla işgəncələrə haqq qazandırılacağı və yolu azaraq Ermənistana keçən əsgərlərin geri qaytarılmasına imkan verilməyəcəyi, əksinə, yalançı ittihamlarla həbs ediləndən sonra Bakıda saxlanan terrorçularla dəyişdirilməsinə cəhd göstəriləcəyi ehtimalı ilk gündən yayılmışdı.
Son şərhlər