“Pana Film” “Qurdlar Vadisi” serialındakı məzarlıq səhnəsi ilə bağlı açıqlama verib.

Axar.az xəbər verir ki, “Pana Film” açıqlamasında şirkətin açıq-aşkar hədəf alınaraq böhtana məruz qaldığını bildirib.

“Haqqımızda məhkəməsiz edama səbəb olan, həqiqəti əks etdirməyən saxta sübutlar hazırlayaraq, “Deməsəm olmaz” adlı proqramın böhtan xarakterli yayımlarına qarşı bir çox önəmli məlumatları paylaşmağımız vacibdir.

Təqribən 13 ildir ki, yayımlanan və izləyicilərin könlündə ayrı bir yer tutan “Qurdlar Vadisi”nin hədəf alındığı səhər proqramında 4 il əvvələ aid – 159-cu bölümündəki məzarlıq səhnəsinə böhtan atılıb. Bu bölüm İstanbulda Anadolu Yakası Çəkməköy-3 bölgəsində yerləşən bir qəbiristanlıqda çəkilib. “Deməsəm olmaz” proqramının işçilərinin çəkdikləri qəbiristanlıqla heç bir əlaqəsi yoxdur. Xatırladılan bu bölümdə “gasılhane” səhnəsi çəkiləcəyi üçün həqiqətə uyğun olaraq heç bir ünsürü dəyişdirməmişdik, ona görə də sözügedən səhnə kadrda yer alıb. Bunun fərqinə varan “Deməsəm olmaz” proqramının səlahiyyətliləri başqa bir qəbiristanlığa – Ümraniyə Qocatəpə məzarlığına gedərək çəkiliş ediblər, böhtan atmaq üçün saxta dəlillər hazırlayıblar və ictimaiyyəti yanıltmaq, bizi haqsız şəkildə hədəf göstərmək üçün vizual mətbuatın adi gücünü pisə doğru istifadə ediblər. Proqram aparıcıları günah etdiklərini bilə-bilə əməllərini mediada əks etdiriblər. 12.10.2016 tarixli “Deməsəm olmaz” səhər verilişinin aparıcılarından olan Nihat Doğan tərəfindən ölümlə təhdid olunmuşuq. Digər aparıcı Ömür Varol isə serialın heç bir kanalda yayımlanmayacğını deyib”.

Xatırladaq ki, Bəyaz TV-nin “Deməsəm olmaz” verilişinin heyəti “Qurdlar Vadisi” serialının 159-cu bölümündə qəbiristanlıqdakı “Ərdoğan” adlı qəbirə görə süjet hazırlamış, həmin kadrların lentə alındığı yerə getdiyini və sözügedən qəbir daşının üzərində başqa adın yazıldığının şahidi olduğunu vurğulamışdı.

Məsələ ilə bağlı Bəyaz TV-nin şərhçisi Nihat Doğan Prezident Rəcəb Tayyib Ərdoğana müraciət də etmişdi: “Ərdoğanı diri-diri torpağa basdırdınız. Hörmətli prezidentimiz, bunları görün! Ola bilsin ki, sizə düzgün informasiya çatdırmırlar. Lakin biz buradan səslənirik. Dostunuzu və düşmənizi yaxşı tanıyın. Bununla onlar subliminal mesajlar verirlər. Məhkəmə lazım olan tədbirləri görməlidir”.