Bir saat davam edən söhbət zamanı biz ikitərəfli münasibətlərin bütün aktual məsələlərini müzakirə etdik. Biz Ukrayna üçün ədalətli və davamlı sülhün bərqərar olması üçün mümkün qarşılıqlı fəaliyyət yollarına xüsusi diqqət yetirdik.
Elchi.az xəbər verir ki, bunu Ukrayna Prezidenti Vladimir Zelenski Çin sədri Si Szinpinlə apardığı telefon danışığının təfərrüatı barədə məlumat verərkən bildirib.
“Heç kim sülhü Ukrayna xalqından çox istəmir. Biz öz torpağımızdayıq və ayrılmaz özünümüdafiə haqqını dərk edərək gələcəyimiz üçün mübarizə aparırıq. Dünya ədalətli və sabit olmalıdır, beynəlxalq hüquq prinsiplərinə və BMT Nizamnaməsinə hörmətə əsaslanmalıdır. Ukraynanın ərazi bütövlüyü 1991-ci ilin hüdudlarında bərpa edilməlidir”, – deyə prezident bildirib.
Zelenskinin sözlərinə görə, söhbət zamanı Ukrayna-Çin tərəfdaşlığının möhkəmləndirilməsi yollarını müzakirə ediblər.
O qeyd edib ki, Rusiyanın genişmiqyaslı işğalından əvvəl Çin Ukraynanın bir nömrəli ticarət tərəfdaşı olub.
“İnanıram ki, bugünkü söhbətimiz bu dinamikanın bütün səviyyələrdə qaytarılmasına, qorunub saxlanmasına və inkişafına güclü təkan verəcək”, – Zelenski vurğulayıb.
Son şərhlər