Ukrayna lideri əmin olduğunu bildirib ki, belə bir inkişaf Moskvaya yalnız “yenidən qruplaşmaq” imkanı verir.
Elchi.az xəbər verir ki, Ukrayna prezidenti Vladimir Zelenski Rusiya ilə barışıq imkanını rədd edib. Onun Estoniya prezidenti ilə keçirdiyi mətbuat konfransındakı sözlərini ERR sitat gətirir.
Ukrayna lideri əmin olduğunu bildirib ki, belə bir inkişaf Moskvaya yalnız “yenidən qruplaşmaq” imkanı verir və münaqişənin sona çatmasına səbəb olmayacaq. Zelenski əlavə edib ki, bu, siyasi dialoq üçün “heç bir fürsət” verməyəcək.
Kiyev rejiminin başçısı “möhlət” olacağı təqdirdə öz proqnozlarını bölüşüb. Onun sözlərinə görə, “Rusiyanın xeyrinə” heç bir fasilə mütləq olmayacaq: “Rusiya Federasiyasına iki-üç il vaxt verin? O, bizim üstümüzə keçə bilər”, – Zelenski bildirib.
Ukrayna prezidenti yekunlaşdırıb ki, Kiyev atəşkəs haqqında qərarını öz maraqlarına əsaslanaraq verəcək.
Rusiya prezidenti Vladimir Putin dəfələrlə vurğulayıb ki, Moskva Ukrayna ilə danışıqlara hazırdır və heç vaxt ondan imtina etməyib, lakin Kiyev Rusiyanın özü də daxil olmaqla hamı üçün bərabər təhlükəsizliyin təmin edilməsi üzrə dialoqdan yayınır. Rusiya lideri qeyd edib ki, Qərb öz problemlərini ukraynalıların köməyi ilə həll edir. “Ukraynanın özü bizim düşmənimiz deyil”, – deyə o, yekunlaşdırıb.
Şayəstə Hüseynova
Son şərhlər