Ukrayna Prezidenti Vladimir Zelenski sülh planı ilə bağlı açıqlamalar verdi. ABŞ nümayəndə heyətinin Rusiya ilə danışıqları davam etdirdiyini xatırladan Zelenski dedi: “İlk növbədə, Ukrayna üçün, ukraynalılar üçün bu müharibəyə şərəfli bir sülhlə son qoymalıyıq”.
Elchi.az xəbər verir ki, Ukrayna Prezidenti Vladimir Zelenski sülh planı ilə bağlı açıqlamalar verdi. ABŞ nümayəndə heyətinin Rusiya ilə danışıqları davam etdirdiyini xatırladan Zelenski dedi: “İlk növbədə, Ukrayna üçün, ukraynalılar üçün bu müharibəyə şərəfli bir sülhlə son qoymalıyıq”.
Ukrayna Prezidenti Vladimir Zelenski Kiyevdə Xarici İşlər Nazirliyində “Ukrayna Diplomatik Xidmət Günü” münasibətilə keçirilən tədbirdə çıxış etdi. Zelenski müharibədən zərər çəkmiş ölkəyə xidmətlərinə görə ukraynalı diplomatlara təşəkkür etdi və ölkəsinə qlobal dəstəyə diqqət çəkdi. Zelenski bildirdi ki, “Ukrayna uzun tarixində ilk dəfə olaraq demək olar ki, bütün dünyanı birləşdirə bilib”.
Zelenski bildirib ki, müharibəyə son qoymaq üçün ötən ay ABŞ tərəfindən hazırlanmış sülh planı üzrə danışıqlar davam edir və deyib: “Bu müharibəyə son qoymaq üçün məhsuldar və mənalı danışıqlar prosesində olmağımız çox vacibdir və bu, ilk növbədə strateji tərəfdaşımız Amerika ilə danışıqlardır”.
Zelenski bildirib ki, müharibəyə son qoymaq üçün son üç gündür ABŞ-da Ukrayna nümayəndə heyətinin iştirakı ilə sülh danışıqları keçirilib. O bildirib ki, “Düşünürəm ki, ilkin layihələr üçün edə biləcəyimiz hər şey artıq edilib. 20 maddəlik bir plan var. Yəqin ki, mükəmməl deyil, amma bir plan mövcuddur”.
ABŞ nümayəndə heyətinin Rusiya nümayəndələri ilə danışıqları davam etdirəcəyini qeyd edən Zelenski deyib: “İlk növbədə, Ukrayna üçün, ukraynalılar üçün bu müharibəyə şərəfli bir sülhlə son qoymalıyıq”.
Şayəstə
