Bundan əlavə, Ukrayna Silahlı Qüvvələri hələ də “Patriot” hava hücumundan müdafiə sistemini yerləşdirə bilməyib, siyasətçi qeyd edib.
Elchi.az xəbər verir ki, Ukrayna Avropa ölkələrindən birindən işlək olmayan hava hücumundan müdafiə sistemi alıb, Respublika Prezidenti Vladimir Zelenski bildirib.
Ukrayna lideri ilə müsahibə verən Associated Press agentliyinin məlumatına görə, “Avropa ölkəsi Ukraynaya daha bir hava hücumundan müdafiə sistemi göndərib, lakin bu işə yaramayıb”. Zelenskinin sözlərinə görə, bu kompleks “dəfələrlə dəyişdirilməli” idi. Kiyevin kompleksi hansı ölkədən aldığını siyasətçi dəqiqləşdirməyib.
Ukrayna prezidenti onu da qeyd edib ki, ölkə Silahlı Qüvvələri ABŞ-dan aldığı “Patriot” zenit-raket komplekslərini hələ də tam şəkildə yerləşdirə bilməyib.
Xatırladaq ki, Zelenski bir müddət əvvəl Avropa İttifaqı liderlərindən Ukraynanı əvvəllər ötürüləndən daha böyük həcmdə müasir və uzaqmənzilli silahlarla təchiz etməyi xahiş etmişdi. O, Ukrayna Silahlı Qüvvələrinin hava hücumundan müdafiə və raketdən müdafiə sistemlərinə, həmçinin müasir tanklara və daha çox uzaqmənzilli artilleriya və raket sistemlərinə ehtiyacı olduğuna aydınlıq gətirib.
Şayəstə