Zaxarova: Polşa ATƏT-in mahiyyətini sarsıtmağa və məhv etməyə çalışır.
Elchi.az xəbər verir ki, Polşa uzun müddətdir ki, Avropada Təhlükəsizlik və Əməkdaşlıq Təşkilatının (ATƏT) mahiyyətini sarsıtmaq və məhv etmək üçün dağıdıcı səylərlə məşğuldur. Bunu TASS-a müsahibəsində Rusiya Xarici İşlər Nazirliyinin sözçüsü Mariya Zaxarova deyib.
Diplomat xatırladıb ki, ATƏT təhlükəsizlik sahəsində əməkdaşlığı inkişaf etdirmək üçün yaradılıb. Zaxarovanın sözlərinə görə, NATO ölkələrinin səyləri sayəsində “bu təhlükəsizlik və əməkdaşlıqdan çox az şey qalıb”.
Oktyabrın 5-də bildirilib ki, Rusiya İctimai Seçki Hüququ İnstitutunun (ROIIP) nümayəndələri Polşanın vizalarını ləğv etdiyi üçün ATƏT-in fəaliyyətdə olan sədrinin Varşavada təşkil etdiyi İnsan Ölçüsü Konfransında iştirak edə bilməyib.
Sentyabrda Rusiya prezidentinin mətbuat katibi Dmitri Peskov bəyan etmişdi ki, Rusiya vətəndaşlarının Polşa rəhbərliyinin siyasətinə qarşı düşmənçiliklərinin obyektiv səbəbləri var. O, iki ölkə arasında münasibətlərin çətin tarixini xatırladıb, xüsusən də “Polşa quldur dəstələrinin” Rusiyada basqınlarına işarə edib.
Şayəstə Hüseynova
