Almaniya hakimiyyətinin Leninqradın müdafiəsi iştirakçılarına və mühasirədən sağ çıxan qeyri-yəhudi əsillilərə ödəniş etməkdən imtina etməsi qətiyyən yolverilməzdir, Rusiya Xarici İşlər Nazirliyinin rəsmi nümayəndəsi Mariya Zaxarova bildirib. Elchi.az bu barədə TASS-a istinadən xəbər verir.
“Biz Almaniyanın İkinci Dünya Müharibəsindən sonra Sovet İttifaqına təzminat ödəyərək bu məsələnin guya həllinə nail olması ilə bağlı alman hakimiyyətinin bəhanələrini və istinadlarını tamamilə qəbuledilməz və inandırıcı hesab edirik”, – diplomat bildirib.
Onun sözlərinə görə, mühasirədə olan Leninqradın sakinləri və müdafiəçilərindən Rusiya Xarici İşlər Nazirliyi vasitəsilə Almaniya federal hökumətinə, mənşəyindən asılı olmayaraq, mühasirədə qalan bütün insanlara kompensasiya verilməsi çağırışı ilə müraciət göndərilib. “Sizcə, Almaniya tərəfi nə cavab verdi? o, Rusiyanın Berlindəki səfirliyinə bu tələbi yerinə yetirmək niyyətində olmadığını bildirib”, – Zaxarova bildirib.
2021-ci ilin oktyabrında Almaniya Böyük Vətən Müharibəsi illərində Leninqradın mühasirəsindən sağ çıxan yəhudilərə, eləcə də Almaniyadan ödəniş almayan digər iki qrupa təzminat verməyə və pensiya verməyə başlamağa razılaşıb. Qeyd edək ki, ümumilikdə, əsasən İsrail, Şimali Amerika, keçmiş SSRİ və Qərbi Avropa ölkələrində 6,5 min nəfər ödəniş alacaq.
Havar Şəfiyeva
Son şərhlər