Humanitar yardımlar zəlzələdən zərər çəkmiş Nepal kəndlərinə çatdırılır.
Musavat.com-un məlumatına görə, yardımın çatdığı kəndlərdən biri Gumda kəndidir. 1300 nəfərin yaşadığı kənddə 5 nəfər ölüb, 20 nəfər isə yaralanıb. Bu kənddə evlərin hamısı demək olar ki, uçub. Gumdaya indiyə qədər 40 kq düyü çatıb.
Zəlzələdən zərərçəkənlər yardımların ləng paylanmasından narazıdır. Çox kəndlərə isə yardımlar hələ çatdırılmayıb. Katmanduda yardımların gecikməsinə etiraz edənlər isə aksiya keçirib.
BMT nəzdindəki Dünya Qida Proqramı rəsmisi bildirib ki, yardımlar kifayət etmir, zərərçəkənlərə daha çox qida, çadır, dərman və adyal lazımdır.