Bağban əkib-becərdiyi bağın məhsulunu gördükdə sevindiyi kimi, valideyn də övladlarının uğurlarına baxıb, sevinir. Belə ailələrdən biri də, Şabran rayonunun Dağbilici kəndindən olan Sahid və Qəribcan Əsədovların ailə üzvləridir. Sahid əmigilin böyüdüb boya-başa çatdırdıqları övladları ilə qürur duyuruq. Vətənimizin layiqli övladlarından biri də,”Yeni Yurd”Sosial İnkişaf ictimai birliyinin sədri Mahirə xanım Əsədovadır. “Yeni Yurd”a rəhbərlik etdiyi 1 ildən artıq müddətdə çox böyük uğurlara imza atan Mahirə xanımın ən böyük əsərinin, oğlu Nurəli olduğunu desək, yanılmarıq. Nurəli martın 16-da 8 yaşını qeyd etdi. Onun ad gününü qeyd etmək üçün süfrə arxasında babası, nənəsi, xalası və yaxın qohumları vardı. Xoş sözlər deyildi, arzular səsləndi. Nurəlinin babası Sahid Əsədov, Azərbaycan MEA-nın Ədəbiyyat institutnun şöbə müdiri, professor, filologiya elmləri doktoru Asif Rüstəmli, Təhsil Nazirliyinin şöbə müdiri Əzizxanım Aşurova, “Yeni Yurd”ictimai birliyinin sədr müavini Natiq Qasımov və başqaları çıxış edərək, Azərbaycanın gələcək qurucuları arasında Nurəli bəyin də olacağını əminliklə bildirdilər.
Mahirə xanım, yeganə övladının əziz günündə onların sevincinə şərik olanların hər birinə ailə üzləri adından təşəkkür etdi.
Şamil Sabiroğlu,
“Yeni Yurd”Sosial İnkişaf ictimai birliyinin icraçı direktoru,
“Ana Harayı”qəzetinin baş redaktoru
Son şərhlər