Yaponiya hökuməti Şimali Koreya lideri “Kim Çen In”ın Rusiyaya səfər etmək planları kontekstində ABŞ -la əlaqə saxlayır.
Elchi.az xəbər verir ki, bunu Tokioda keçirdiyi mətbuat konfransında Nazirlər Kabinetinin baş katibi Hirokazu Matsuno deyib.
“Biz bu mesajlardan xəbərdarıq, ABŞ-la, o cümlədən bu məsələ ilə bağlı daimi təmasdayıq. Biz davamlı olaraq Şimali Koreyada baş verən hadisələrlə bağlı məlumat toplayır və təhlil edirik”, – o deyib.
Matsunonun sözlərinə görə, bununla bağlı Yaponiya BMT Təhlükəsizlik Şurasının KXDR-dən silah alınmasını qadağan edən qətnamələrinin mümkün pozulmasından narahatdır . “Biz məlumat toplamaqda və təhlil etməkdə davam edəcəyik və müvafiq qətnamələrin icrasını təmin etmək üçün beynəlxalq ictimaiyyətlə sıx əməkdaşlıq edəcəyik”, – o əlavə edib.
Nuranə Məmmədova