Azərbaycan Respublikası Müdafiə Nazirliyinin “N”saylı Əlahiddə Mühəndis istehkamçı taboru 1992-ci il mart ayının 7-də yaradılıb. Hərbi hissənin ilk komandiri, Azərbaycanın Milli Qəhrəmanı, şəhid Asif (Fred Asif) Məhərrəmov, ilk qərargah rəisi, “Azərbaycan bayrağı” ordenli, hazırda I qrup müharibə əlili Sultan Orduxan oğlu Bəndəliyev olub.
1989-1994-cü illərdə erməni terrorçularına qarşı aparılan döyüş əməliyyatlarında bu hərbi hissənin 50 zabit və əsgəri şəhid olmuş, 29 nəfər itkin düşmüşdür. Döyüş əməliyyatları aparılan zaman və atəşkəs dövründə 150 nəfərdən çox zabit, gizir, çavuş və əsgər yaralanaraq müxtəlif bədən xəsarətləri almışdır.
Bu hərbi hissənin 2 şəhidi ölümündən sonra Azərbaycanın Milli Qəhrəmanı adına, 7 döyüşçüsü “Azərbaycan bayrağı”ordeninə, 5 nəfər döyüşçü “Hərbi xidmətlərə görə” medalına layiq görülmüşdür.
Sevindiricidir ki, “Qarabağ Veteranları, Əlilləri və Şəhid Ailələri” cəmiyyətinin sədri, II qrup müharibə əlili Mehdi Mehdiyev, “Azərbaycanın Milli Qəhrəmanı Asif Məhərrəmov adına İnkişaf Fondu”nun sədri, II qrup müharibə əlili Hacı Ədalət Məhərrəmov, Qarabağ qazisi Hacı Elməddin Səfərov bu hərbi hissənin yetirmələridir.
Martın 7-də bu hərbi hissənin yaranma günü təntənə ilə qeyd edildi. “Azərbaycan Milli Qəhrəmanlar birliyi” və Bakı Slavyan Universitetinin təşkilatçılığı ilə keçirilən ədəbi-bədii gecədə “Xocalı Soyqırımını Tanıtma”ictimai birliyinin sədri, “Yeni Yurd”Sosial İnkişaf ictimai birliyinin icraçı direktoru, “Ana harayı” qəzetinin baş redaktoru, “Tərəqqi” medalının mükafatçısı, müharibə veteranı Şamil Sabiroğlu (Ələkbərli) “N”saylı hərbi hissənin komandanlığı adından Xüsusi Diploma layiq görüldü.
Diplomu hərbi hissənin zabiti İlqar Nəciyev təqdim etdi.
Təşkilatın bütün üzvlərini təbrik edir, yeni uğurlar arzulayırıq.
Şamilə Şamilqızı,
“Ana harayı”qəzeti
Son şərhlər