Stavropolda yerləşən Minvod mərkəzi xəstəxanasında kütləvi dava baş verib. 
Axar.az xəbər verir ki, dava xəstəxanın təhlükəsizlik kamerasının yaddaşına həkk olunub. Kamera qeydlərində 40-a yaxın Qafqaz görünüşlü adamın xəstəxananın dəhlizinə girdikləri görünür.
Bir müddət burada dolaşan kütlə daha sonra sürətlə dəhlizin içərilərinə doğru qaçır. Kütlə burada qırmızı gödəkcəli adamla dalaşır. Qısa davam edən dalaşmalardan sonra dava iştirakçıları qırmızı gödəkcəli adamı sürüyərək dəhlizin mərkəzinə gətirirlər. O, yerdə şüursuz uzansasa da, kütlədən bir nəfər ona zərbələr endirməyə davam edir.
Polis hadisəni sentyabrın 20-dən 21-ə keçən gecə “Evqeniya” kafesində baş verən davanın davamı olaraq qiymətləndirib.
Stavropol polisi sağlamlığa ağır zərər vurma maddəsi ilə cinayət işi açıb.
Baş verən hadisə ilə bağlı isə xəstəxana rəhbərliyi heç bir şərh verməyib. Bundan əlavə davanın baş verdiyi müddətdə xəstəxananın təhlükəsizlik xidmətinin hadisəyə müdaxilə etməməsi də böyük narazılığa səbəb olub.
Son şərhlər