“Vüsal 300” kimi tanınan iş adamı Abbasov Vüsal Şirvan oğlu həbs edilib.
Elchi.az xəbər verir ki, Xətai rayon Məhkəməsində hakim Vüqar Nağıyev sədrliyi keçirilən prosesdə Vüsal Abbasov barəsində 3 ay müddətinə həbs qətimkan tədbiri seçilib.
Xətai rayon Prokurorluğu tərəfindən Vüsal Abbasova Cinayət Məcəlləsinin 192.3.2-ci (qanunsuz sahibkarlıq, xüsusi külli miqdarda) maddəsi ilə yeni ittiham irəli sürülüb.
Bundan qabaq isə V. Abbasov Cinayət Məcəlləsinin 308-ci (Vəzifə səlahiyyətlərindən sui-istifadə) maddəsi ittiham olunurdu.
Qeyd edək ki, V.Abbasov bir neçə nəfərlə əlbir olaraq qanunsuz lizinq fəaliyyəti ilə məşğul olmaqda ittiham olunur.
Belə ki, Vüsal Abbasov vətəndaşlara məxsus avtomobilləri və digər əmlakları girov saxlamaqla qanunamüvafiq olmayan faiz dərəcələri ilə lizinqə salmaqda təqsirləndirilir.
Sosial şəbəkələrdə yayılan görüntülərdə “Vüsal 300″ə məxsus ofislər, avtomobil qarajı üzərinə məhkəmə tərəfindən həbs qoyulduğu və Xətai rayon Prokurorluğu tərəfindən möhürləndiyi görünür.
Onu da qeyd edək ki, “Vüsal 300” Bakıda ən bahalı maşınları icarəverən kimi tanınır. Bir çox tanınmış müğənnilərin avtomobilləri məhz ona məxsusdur.
Vüsal Abbasovun həbs olunması xəbəri təəssüf doğurur. Qanunsuz sahibkarlıq və vəzifə səlahiyyətlərindən sui-istifadə kimi ittihamlar ciddi məsələlərdir. Ümid edək ki, ədalət yerini tapacaq. Bu hadisə qanunsuz fəaliyyətlərə qarşı mübarizənin vacibliyini bir daha göstərir.
Bunu eşidəndə ağlıma “300Spartalı” filmi gəldi, amma burda ancaq bir nəfər həbs olunub, eləmi? Görəsən, bu lizinq işləriylə məşğul olanlar həmişə belə bahalı maşınlara sahib olur? Necə də maraqlıdır bu dünya, amma ədalət yerini tapmalıdı.
Bu xəbəri eşidəndə təəccübləndim. Belə məşhur bir adamın həbs olunması qəribədir. Ümid edək ki, hər şey aydınlaşar.