Avropa Birliyi (AB) Komissiyasının sədri Ursula fon der Leyen Qrenlandiyanın NATO-nun bir hissəsi olduğunu vurğuladı və Brüssel ilə paytaxt Nuuk arasında güclü əlaqələrin olduğunu bildirdi.
Elchi.az xəbər verir ki, Von der Leyen AB Komissiyası üzvlərinin həftəlik görüşündən sonra jurnalistlərə açıqlamalar verdi.
ABŞ-ın Qrenlandiyaya təhdidini qiymətləndirən fon der Leyen dedi: “Qrenlandiya öz xalqına məxsusdur. Buna görə də, Danimarka və Qrenlandiya ilə bağlı məsələlərdə qərar vermək yalnız onların ixtiyarındadır”.
Danimarka hökuməti ilə daim əlaqədə olduqlarını bildirən fon der Leyen dedi: “Biz həmçinin Qrenlandiyalıların ehtiyaclarını dinləyirik, çox sıx əlaqədəyik”.
Qrenlandiyanın NATO-nun bir hissəsi olduğuna diqqət çəkən fon der Leyen, NATO-nun əsas prinsipinin kollektiv təhlükəsizlik olduğunu vurğuladı.
Şayəstə
